2015 jylǵy 30 qańtar, Astana qalasy
Temirjol kóliginiń qaýiptiligi joǵary aımaqtarynda jolaýshylardyń, azamattardyń bolýy jáne obektilerdi ornalastyrý, olarda jumys úrgizý, temirjoldar arqyly júrip ótý jáne ótý qaǵıdalaryn bekitý týraly
«Temirjol kóligi týraly» 2001 jylǵy 8 jeltoqsandaǵy Qazaqstan Respýblıkasy Zańynyń 14-baby 2-tarmaǵynyń 34-17) tarmaqshasyna sáıkes buıyramyn:
1. Qosa berilip otyrǵan Temirjol kóliginiń qaýiptiligi joǵary aımaqtarynda jolaýshylardyń, azamattardyń bolýy jáne obektilerdi ornalastyrý, olarda jumys júrgizý, temirjoldar arqyly júrip ótý jáne ótý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A. Asavbaev):
1) osy buıryqtyń zańnamamen belgilengen tártipte Qazaqstan Respýblıkasy Ádilet mınıstrliginde memlekettik tirkelýin;
2) osy buıryqty Qazaqstan Respýblıkasynyń Ádilet mınıstrliginde memlekettik tirkeýden keıin kúntizbelik on kún ishinde buıryqtyń kóshirmelerin kezeńdik baspa shyǵarylymdarda jáne «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesine resmı jarııalaýǵa jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetti usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Investısııalar jáne damý birinshi vıse-mınıstri J.M. Qasymbekke júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne
damý mınıstri Á. ISEKEShEV
«KELISILGEN»
Qazaqstan Respýblıkasynyń Ishki ister mınıstri Q.QASYMOV.
2015 jylǵy 10 aqpan
Qazaqstan Respýblıkasy Investısııalar jáne damý mınıstriniń
2015 jylǵy 30 qańtardaǵy № 83 buıryǵymen bekitilgen
Temipjol kóliginiń qaýiptiligi joǵary aımaqtarynda jolaýshylardyń, azamattardyń bolýy jáne obektilerdi ornalastyrý, olarda jumys júrgizý, temirjoldar arqyly júrip ótý jáne ótý qaǵıdalary
1. Jalpy erejeler
1. Osy temirjol kóliginiń qaýiptiligi joǵary aımaqtarynda jolaýshylardyń, azamattardyń bolýy jáne obektilerdi ornalastyrý, olarda jumys júrgizý, temirjoldar arqyly júrip ótý jáne ótý qaǵıdasy (budan ári - Qaǵıda) «Temirjol kóligi týraly» Qazaqstan Respýblıkasynyń Zańyna sáıkes ázirlendi, Temipjol kóliginiń qaýiptiligi joǵary aımaqtarynda jolaýshylardyń, azamattardyń bolýy jáne obektilerdi ornalastyrý, olarda jumys júrgizý, temirjoldar arqyly júrip ótý jáne ótý tártibin, sondaı-aq temirjol kóliginiń jolaýshylarynyń jáne azamattardyń qaýiptiligi joǵary aımaqtarda bolýy jáne temirjoldar arqyly júrip ótý kezindegi qaýipsizdigi sharalaryn aıqyndaıdy.
2. Osy Qaǵıdalarda mynadaı negizgi uǵymdar qoldanylady:
1) temirjol ótkeli - avtomobıl joldarynyń temirjol joldarymen bir deńgeıde qıylysý ornynda ornalasqan qaýiptiligi joǵary obekt;
2) temirjol kóliginiń qaýiptiligi joǵary aımaǵy - temirjoldar, temirjol stansııalarynyń, vokzaldardyń aýmaqtary, tasymal prosesimen baılanysty temirjol kóligi uıymdarynyń ózge de obektileri;
3) jaıaý júrginshiler tósemi - «Joldar arqyly ótý» kórsetkishimen belgilengen jáne temirjoldar arqyly jaıaý júrginshilerdiń qozǵalýy úshin bólingen temirjoldar ýchaskesi.
3. Qaǵıdalar qyzmeti temirjol kóliginiń qaýiptiligi joǵary aımaqtarynda obektilerdi ornalastyrýmen jáne olarda jumystar júrgizýmen baılanysty jeke jáne zańdy tulǵalarǵa, temirjol kóliginiń qyzmetterin paıdalanatyn jolaýshylarǵa, jáne qaýiptiligi joǵary aımaqtarda turatyn azamattarǵa qoldanylady.
4. Temirjol kóliginiń qaýiptiligi joǵary aımaqtarynyń shekaralary Qazaqstan Respýblıkasynyń qurylys normalaryna jáne qaǵıdalaryna sáıkes aıqyndalady.
2. Qaýiptiligi joǵary aımaqtarda jolaýshylardyń jáne azamattardyń bolýy, temirjoldar arqyly júrip ótiý jáne ótý tártibi
5. Poezdyń kelýin kútý temirjol stansııasynyń, vokzaldyń (kútý zaldary, balaly jolaýshylarǵa arnalǵan bólmeleri, demalys bólmeleri, saýda jáne qoǵamdyq tamaqtandyrý pýnktteri) arnaıy belgilengen oryndarynda júzege asyrylady.
6. Jolaýshylardyń vagondarǵa otyrýy (túsýi) poezd tolyq toqtaǵannan keıin júrgiziledi.
7. Jolaýshylardyń vagondardan shyǵýy men otyrýy perron nemese otyrǵyzý platformasy jaǵynan júrgiziledi. Kámeletke tolmaǵan balalar vokzal aýmaǵynda eresekterdiń qaraýynda bolady.
8. Qaýiptiligi joǵary aımaqtarda:
1) balalardy qaraýsyz qaldyrýǵa, ártúrli qımyl oıyndaryn uıymdastyrýǵa;
2) qol júgimen, bagajben, ózge de zattarmen vokzal ǵımaratyna/ǵımaratynan perrondarǵa, otyrǵyzý platformalaryna, jaıaý júrginshiler kópirlerine, tósemderge, týnnelderge ótetin joldardy bógeýge;
3) vagondardyń tóbesine, esiginiń baspaldaqtaryna, ótý alańdaryna otyrýǵa; poezd júrip kele jatqanda poezǵa otyrýǵa jáne túsýge, poezd júrip kele jatqanda vagon terezelerinen jáne tambýrlardyń esikterinen úńilip qaraýǵa;
4) ilme basqyshtar men ótý alańdarynda jáne temirjol kóliginiń baspaldaqtary men basqa da syrtqy bólikterinde turýǵa, júrip kele jatqan poezd vagondarynyń esikterin ashýǵa, qala mańyna qatynaıtyn poezdardyń avtomattyq esikteriniń ashylyp-jabylýyna bóget jasaýǵa;
5) arnaıy ruqsatsyz júk poezdarynda júrýine;
6) jolaýshy platformasy arqyly kele jatqan nemese jónelip bara jatqan poezd vagonynyń janynda júgirýge, sondaı-aq toqtaýsyz ótip bara jatqan poezdyń qozǵalysy kezinde platformanyń shetinen eki metrden kem qashyqtyqta bolýǵa; poezd tolyq toqtamaı vagonǵa jaqyndaýǵa; bıletsiz júk tasymaly men jolaýshy tasymalyn júrgizýge;
7) poezdy qajetsiz, óz erkimen toqtatýǵa ruqsat etilmeıdi.
9. Temirjoldardan tek belgilengen oryndardarda, jaıaý júrginshiler kópirleri, týnnelderi, temirjol ótkelderi arqyly ǵana ótýge ruqsat beriledi. Kópirleri men týnnelderi joq stansııalarda temirjoldardan jaıaý júrginshiler tósemderi arqyly ótýge ruqsat etiledi.
10. Azamattar jaıaý júrginshiler tósemi boıynsha temirjoldan óter aldynda júrip kele jatqan temirjol kóliginiń bolmaýyna kóz jetkizýi qajet.Temirjol kóligi jaqyndaǵan kezde toqtaýy jáne ony ótkizýi qajet.
11. Temirjol ótkeline jaqyndaǵan kezde azamattar jaryq jáne dybys dabylyn, sondaı-aq shlagbaýmnyń ornalasý jaǵdaıyn baıqaıdy. Joldardy kesip ótý ashyq shlagbaým kezinde júrip kele jatqan temirjol kóligi bolmaǵanda júzege asyrylady.
12. Temirjoldar arqyly júrip ótý jáne ótý aımaqtarynda:
1) temirjol boıymen shetki relske bes metrden jaqyn jerden ótýge;
2) jaıaý júrginshilerdiń ótýi úshin jabdyqtalmaǵan joldarmen temirjol kópirleri men týnnelderi arqyly ótýge;
3) temirjoldar arqyly júrýge; jaqyn kele jatqan poezdyń aldynan, eger oǵan deıingi qashyqtyq 400 metrden kem bolsa, temirjoldar arqyly ótýge; bir baǵyt poezd ótkennen keıin, qarsy baǵyttaǵy poezd júrisi bolmaýyna kózi jetpeı, kópjoldy ýchaskeler arqyly ótýge;
4) shlagbaým jabyq turǵan nemese ótkeldiń dabyl baǵdar shamy qyzyl belgisin kórsetken kezde temirjol ótkelderinen ótýge; temirjol ótkelindegi jabyq turǵan shlagbaýmnyń astyna túsýge, sondaı-aq shlagbaým jabyla bastaǵan kezde ótkelge shyǵýǵa; baǵyttamaly burmalar boıynsha joldardan ótýge; stansııalar men eki aralyqtarda vagondardyń astyna kirýge jáne joldan ótý úshin avto tirkeýden asyp túsýge;
5) elektrlendirilgen ýchaskelerde tirekterge shyǵýǵa, sondaı-aq tirekten relske deıingi eńisterge janasýǵa; jerde jatqan elektr symyna segiz metrden jaqyn qashyqtyqqa jaqyndaýǵa;
6) relsterge turýǵa nemese otyrýǵa, úshkir jáne ramalyq rels nemese baǵyttamaly burmalardyń jyljymaly ózekteriniń aıqaspasy bar naýa arasynda turýǵa;
7) temirjol kóligi qozǵalysynyń buzylýyn týdyratyn zattardy temirjoldarǵa qoıýǵa, tastaýǵa, qaldyrýǵa jol berilmeıdi.
3. Temirjol kóliginiń qaýiptiligi joǵary aımaqtarynda obektilerdi ornalastyrý jáne
jumystar júrgizý tártibi
13. Qaýiptiligi joǵary aımaqtarynda obektilerdi ornalastyrý jáne jumystar júrgizý Ulttyq ınfraqurylym operatory beretin jazbasha ruqsat negizinde júrgiziledi.
14. Temirjol kóliginiń qaýiptiligi joǵary aımaqtarynda obektilerdi ornalastyrýǵa jáne jumystardy júrgizýge ruqsat alý úshin Ulttyq ınfraqurylym operatoryna mynadaı qujattar usynylady:
1) erkin túrde jumys jazbasha ótinish ;
2) Qazaqstan Respýblıkasynyń zańnamasynda belgilengen tártipte ázirlengen jáne bekitilgen jobalyq qujattama;
3) jumystar júrgizý kezinde temirjol kóliginiń qaýiptiligi joǵary aımaǵynda zaqym keltirilgen elementterdi qalpyna keltirý týraly mindetteme;
4) jumystardy júrgizý qorshaýlar men oryndardy qoıý shemasy;
5) jumystardy júrgizýdiń kúntizbelik kestesi jáne jumystardy júrgizýdiń kúntizbelik kestesine sáıkes jumysty aıaqtaý mindettemesi.
15. О́tinish jeti jumys kúnniń ishinde qaralady. Kórsetilgen merzimnen keıin dáleldi jaýap beriledi. Osy Qaǵıdalardyń 14-tarmaǵynda kórsetilgen qujattardy usynbaý qaýiptiligi joǵary aımaǵynda obektini ornalastyrýǵa jáne jumystar júrgizýge ruqsat berýden bas tartýǵa negiz bolyp tabylady.
16. Jedel avarııalyq-qalpyna keltirý jumystary kelesideı ruqsat berýmen Ulttyq ınfraqurylym operatory ókiliniń qatysýymen oryndalýy tıis.
17. Temirjol kóliginiń joǵary qaýiptilik aımaqtarynda jumystardy júrgizý temirjol kóligindegi qozǵalys qaýipsizdigin tómendetpeýi, temirjol kóligi qozǵalysynda úzilisterdiń paıda bolýyna ákelmeýi tıis.
18. Temirjoldardyń elektr berý jáne baılanys jelilerimen, munaı qubyrlarymen, gaz qubyrlarymen, avtomobıl joldarymen jáne basqa da jer ústi jáne jer asty qurylǵylarymen qıylysýyna tıisti memlekettik organnyń kelisiminen keıin jol beriledi. Temirjoldardyń jer ústi jáne jer asty qurylystarmen qıylysýy osy qurylystardy jobalaý men ornalastyrýdyń normatıvtik-tehnıkalyq aktileriniń tıisti talaptaryn saqtaı otyryp oryndalýy tıis.
19. Temirjol kóliginiń qaýiptiligi joǵary aımaqtarynda mal jaıylymyna jol berilmeıdi.
20. Qaýiptiligi joǵary aımaqtarǵa órtterdi, avarııalardy jáne basqa da tabıǵat apattaryn joıý úshin órt sóndirýshilerdiń jáne avarııalyq-qutqarý komandalarynyń jaýyngerlik esepteri jedel jáne shuǵyl medısınalyq kómek brıgadalary kedergisiz jiberiledi.
Buıryq Qazaqstan Respýblıkasynyń Ádilet mınıstrliginde 2015 jylǵy 26 naýryzdaǵy Normatıvtik quqyqtyq kesimderdi memlekettik tirkeýdiń tizilimine №10534 bolyp engizildi.